Traduire cette page :  de  
Thai forest Monastery :: สมาคมคนฮักผญา
Thai forest Monastery Forum Index
Thai forest Monastery
Small Thai forest Monastery in Thailand - monastere forestier en Thailande
 
Thai forest Monastery Forum IndexFAQSearchRegisterLog in



 Welcome 
Welcome - Bienvenue - ยินดีต้อนรับ - Guest to Wat Pa NongPai in Buriram Province - Thailand - วัดหนองไผ่   
:: สมาคมคนฮักผญา ::

 
Post new topic   Reply to topic    Thai forest Monastery Forum Index -> Thai forest monastery -> ภาษาไทยสำหรับคนไทย
Previous topic :: Next topic  
Author Message
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Wed 20 Mar - 13:33 (2013)    Post subject: สมาคมคนฮักผญา Reply with quote

แสงสุรีย์มาเผาฟ้า เมฆเมฆาบ่มาผ่าน
ฤดูกาลบ่งชี้ สุรีย์ฮ้อนสิส่องมา
คิดฮอดเด้ คิดฮอดยามตกกล้า น้ำในนากะห่งท่ง
เคยได้ลงแล่นเล่น เวิ้งซ้ง ยุท่งนา
แสงสุรีย์มาส่องฟ้า นภาแจ่มบ่มีฝน
ย่านเด้น้อ ย่านแต่ใจของคน สิดั่งแสงสุรีย์ฮ้อน
กำลังใจเอามาต้อน อย่าฮ้อนฮนเด้อน้องพี่
บ่าวผญาสารคาม คนเก่านี้ มีมาให้ หนึ่งพลัง สู้สู้เด้อ พี่น้องเอย
//บ่าวคนไกล




Back to top
Publicité






PostPosted: Wed 20 Mar - 13:33 (2013)    Post subject: Publicité

PublicitéSupprimer les publicités ?
Back to top
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Wed 20 Mar - 14:00 (2013)    Post subject: สมาคมคนฮักผญา Reply with quote




พี่น้องเอ้ย
จำได่คาวน่อยน่อย อิพ่อคอยพยุงก่อ
แล่นหาเงินพ้อว่อ ไปซาอุนั่นลูกหวั่นใจ
หนีไปไกลเมืองพู้น ดินแดนตะวันออก
บอกควมทุกข์พวกเฮา อิพ่อไปเนาว์ยุยั้ง
ไปหยังดนบ่เห็นหน่า จนลูกพากันเติบใหญ่
อาศัยยุกับแม่เจ่า เพิ่นคอยเฝ่าว่าหล่ำแยง
เงินจักแดงบ่เห็นซ้ำ จักเวรกรรมของอิพ่อ
ถืกเขาตั๋วหลอกล่อ บ่พอสิใด่ดอกค่ากิน
บินกลับมากะบ่ได่ จนลูกใหญ่น้อเป็นสาว
อิแม่ซาวหาเงิน จนเบิดแฮงน้อสิดิ้น
ตัดสินใจขายบ้าน เฮือนซานหม่องลูกใหญ่
หนีไปยุเมืองไกล ข้ามเขตจังหวัดพู้น
เบิดแฮงลุ้น แล้วแม่นาง อับปางแล้ว


Back to top
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Wed 20 Mar - 14:18 (2013)    Post subject: สมาคมคนฮักผญา Reply with quote


สุริยนพ้นขอบฟ้า นภาส่องประกายสี
รุ่งอรุณรับธรณี เบิกเบยเสยแจ้ง
วิหคแยงนภากาศ วาดลวดลายเจิดเสิ่น
เพลิดเพลินเสียงไก่ฮ้อง ขันโอ้....โอ่ละนอ
ฟังเสียงกอไผ่โหย่น ขานรับลมเกี้ยวใส่
เมฆาไหลโยกย้าย หยับย่นเข้าใส่กัน
สาระพันสรรพชีพ ชีวินกะฟื้นตื่น
สุริยาฟื้นโผล่แจ้ง ส่องแยงพื้นปฏพี
// ซอม ซอมเบิ่ง ดูดู


Back to top
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Thu 21 Mar - 09:23 (2013)    Post subject: สมาคมคนฮักผญา Reply with quote


พี่น้องเ้อ้ย
ขอให้สุขเสมอบ่มีเศร้า อย่ามีเหงาในใจเจ้าทุกๆคน
ดินอีสานยังอยู่คู่แผ่นฟ้า ครองเค้าฮีตยังคู่เมือง
ดอกกระเจียวยังบานอ้า ปลายังอยู่คู่วังหนอง
ทองคำยังเป็นราคา คุณค่าคำบ่มีหาย
คนยังจำของเค้า เฮายังอยู่อาศัยต่อ
ไทอีสานพวกเฮายังคึดพ้อ มูลเค้าแต่เก่าหลัง
หยังกะยังคงที่ มีเอนเอียงดีบ้างกะรับเอา
เพียงแต่เฮาบ่ลืมเค้า อีสานเฮาแต่เก่าหลัง
ถ่าเฮายังมาจาเว่า ต่อกันบ้างบ่เซ่าเว้น
ไผสิมาเพฮ้างหวังให้พัง อย่าสิหวังพังบ่ได้
สังสิเปนของฮ่างพังเพหากบ่แม่น ให้ฮักกันแค่นๆๆ
คือข้าวเหนียวปั้นแก่นๆๆ ถืกน้ำได้บ่พังเพ พี่น้องเอ้ย
(อีหล่าสาวส่าเมืองอุบล)


Back to top
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Fri 22 Mar - 08:34 (2013)    Post subject: สมาคมคนฮักผญา Reply with quote

.



ตกมาถึงทุกมื้อนี่ยุคสมัยกะแตกต่าง
เด็กน้อยมันเกียจคร้านหาของทุ่นแรง
สิทำหยังไกลใกล้กะย่นระยะเวลาเอา
สิกินข้าวกะยังต้องถ่ายรูปก่อนเผิลว่า
เบิ่งแต่ยายของข่อยแชทหาแต่ผุบ่าว
สงสัยเราสินัดบ่าวไปฟังเทศน์ยุวัด พุ่นนะ
ยายบอกว่าจะแม่นออนซอนหลาย
อยากรู้หยังกะรู้ได้ ด้วยเทคโนน้อหลานเอ้ย
ยายของข่อยเราคนทันสมัย พ่วนเด้
เราว่าอย่าให้อายได้ให้นำเผิลให้ทัน
อันได๋นั่นบ้านได๋มี ซื้อให้ยายแนเด้อหลาน
บ้านนั่นกะได้ บ้านนี่กะมี ย่านน้อยหน้าเขา
ข่อยกะกู้เทิ่งผ่อนให้ย้อนฮักยาย
เดี๋ยวกะมีสายทวงหนี้ อิออนอีซี่บาย
ธนาคารกะพ่องนั้นมะลุมตุ้มทวงหนี้ข่อย
ผ่อนทุกอย่างให้ยายไว้หัวหมุนสิบ้าป่วง แล้วยายเอ้ย
(อีหล่าสาวส่าเมืองอุบล) หนูเล็กจ้า


Back to top
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Sat 23 Mar - 06:04 (2013)    Post subject: สมาคมคนฮักผญา Reply with quote

เฮากะดัก…
เพิ่นแฮ่งคักกะด้อ พ่อแม่เพิ่นเพียรสอน
ให้สังวรเด้อคำ จื่อจำ ไปเฮียนฮู้
พ่อแม่ปูทางไว้ ให้นำฮอยอย่าข่วมฮ่อง
มันสิคาหง่าข่อง ให้คลองไว้อย่าลื่นควม
พ่อแม่เอ้ย…
ลูกบ่เคยย่างข่วม ควมพ่อแม่เพียรสอน
บ่ลืมคลองลืมคอน ต่อหมอนเคยนอนยั้ง
บ่คุยโตโออ้าง อวดโชว์ว่าโตเก่ง
บ่มีไผในโลกนี้ สิมีฮู้ได้คุแนว พ่อแม่ เอย
ผญาโดย: บ่าวคนไกล




Back to top
praadjarnpaki
Administrateur

Offline

Joined: 02 Aug 2012
Posts: 312
Localisation: Thailande

PostPosted: Wed 27 Mar - 08:46 (2013)    Post subject: สมาคมคนฮักผญา Reply with quote


สี่ปีผ่านมาผ่ามาได่ อาศัยกับตายาย
หล่ากับอ้ายจั่งได่ใหญ่ สองคนเฮาอิพ่อไล
เหลือแต่คุณแม่เจ่า เพิ่นคอยเฝ่าส่งเงิน
บ่ขาดเขินหยังจ้อย ตายายคอยอุ้มซูส่ง
จิตบ่เคยพะวง สมองยังน่อยน่อย
บ่คอยจ้องห่วงหา บาดใหญ่มารู้ว่าแจ้ง
หลายคนแยงเทิงถามข่าว ว่าพ่อเจ่าไปไส
แม่เจ่าเด้อิหล่า บ่หาญกล้าสิว่าตาม
บ่อาจถามแท่แท่ ตากับยายคอยดูแล
คือจั่งแม่คือจั่งพ่อ จิตผูกพันธ์เกินพอ
ขอแต่คุณแม่เจ่า ไห่รีบฟ่าว ว่าต่าวคืน เด้อแม่เอ้ย

//ขอขอบคุณเจ้าของภาพค่ะ


Back to top
Contenu Sponsorisé






PostPosted: Today at 19:52 (2018)    Post subject: สมาคมคนฮักผญา

Back to top
Display posts from previous:   
Post new topic   Reply to topic    Thai forest Monastery Forum Index -> Thai forest monastery -> ภาษาไทยสำหรับคนไทย All times are GMT + 7 Hours
Page 1 of 1

 
Jump to:  

Index | Free forum | Free support forum | Free forums directory | Report a violation | Conditions générales d'utilisation
onyx © theme by larme d'ange 2006
Powered by phpBB © 2001, 2005 phpBB Group
Traduire cette page :  de